हाम्रो बारेमा

विद्यालय शिक्षामा सुधारका लागि विभिन्न  कालखण्डमा अध्ययन,अनुसन्धान, आयोग /समितिका प्रतिवेदन मर्गनिर्दिस्ट प्रदान गरिएको छ | शिक्षा ऐन आठौं संशोधनद्वारा माध्यमिक शिक्षा  परीक्षाको संचालन,समुन्वय र व्यबस्थापन गर्न राष्ट्रिय परीक्षा बोर्ड गठन  भएको छ | बोर्ड अविछिन्न  उतार्धिकार वाला  स्वशासित संगठित सस्थाको रुपमा क्रियाशील छ |

शिक्षा (आठौं संशोधन) ऐन, २०७३ कार्यान्वयनमा आए संगै उच्च माध्यमिक शिक्षा परिषद् खारेज भई राष्ट्रिय परीक्षा बोर्ड क्रियाशील भइसकेको छ । साविकको उच्च माध्यमिक शिक्षा परिषद् बाट सम्पादन हुँदै आएका सम्बन्धन विद्यालय अनुमति, छात्रवृत्ति,विद्यालय संचालन सम्बन्धी कार्य स्थानीय तहबाट व्यवस्थापन गरिने र पाठ्यक्रम निर्माण, विकास एवं समकक्षता निर्धारण सम्बन्धी कार्य पाठ्क्रम विकास केन्द्रबाट सम्पादन गर्ने गरी कार्यक्षेत्र निर्धारण भएका छन् । कक्षा १० ( एस.इ.इ) को परीक्षा एवं कक्षा ११ र १२ (एस एल सी ई)को परीक्षा सम्बन्धी कार्यहरुलाई राष्ट्रिय परीक्षा बोर्डको क्षेत्राधिकार भित्र आवद्ध गरिएको छ । साथै,कक्षा १० को परीक्षा प्रादेशिक स्तरमा संचालन गर्ने र समग्र विधालय शिक्षाको परीक्षालाई समेत दिशानिर्देश गर्ने दायित्व राष्ट्रिय परीक्षा बोर्डको परिधि भित्र समाहित गरिएकोछ।